skemmtilegur emill..

Ég fékk alveg yndislega tölvupóst í gær. Fyrirsögnin var,  Þú er á leiðinni til Tyrklands..                      Minn elskulegi eiginmaður hafði pantað fyrir okkur ferð til draumalandsins í sumar  svo núna er legið á netinu að finna allt sem til er um Tyrkland og hvað við verðum að sjá og gera er meira að seigja farin að pakka niður í huganum hehehehehee   eyddi svo kvöldinu í að pússa sólgleraugun og athuga með bleiku strandskóna mmmmmmmmm þetta verður bara dásamleg ferð

Vorverkin í garðinum............................................................................

  

Í blíðunni í gær dró húsmóðirin fram vorgræjurnar (snjóskóflu) og hóf að sinna vorverkunum,  vorlaukarnir verða settir niður fljótlega og svo er bara að bera á

dásamlegt veður

Úti syngja fuglarnir í sólinni sem skín svo bjart að ekki er hægt að vera úti án varnar enda koma sólbirtugleraugun sér vel á degi sem þessum og allt verður enn bjartara af öllum snjónum sem er um það bil að drekkja okkur, en við kvörtum ekki á svona degi á svona degi er bara hægt að gleðjast.  Ég fékk mér góðan göngutúr áðan hringinn í kringum bæinn  það var  ekki bara líkamlega hressandi heldur er svo gott fyrir sálina að vera úti  á svona dásamlega fallegum degi.

  kærastinn minn búin að búa hanna Önnu Buggu til :) erum við ekki sæt saman

Svona lítur nú bærinn minn út

komin heim í heiðardalinn

Ferðalagið gekk vel austur, svona næstum sumarfæri nema auðvitað Fjarðarheiðin góða þar var snjór, snjór og meiri snjór sá allra mesti sem ég hef séð í allan vetur göngin voru kannski ekki 3 metrar en há voru þau og stikurnar komnar með framlengingu svo sæist í þær.

Ég fór í heimsón á leiksólann og hitti næstum öll börnin mín þar, einhver voru vei og önnur í fríi eins og gengur og gerist. Fljótlega var mér boðið að koma til læknisins upp á loft, þar var ég lögð á dýnu og mikill fjöldi lækna dreif að. Þar þurfti að athuga andardráttinn,skoða beinin, kíkja í eyrun, þurrka ennið og handarbakið, flestir læknarnir þurftu að sprauta mig og ekki alltaf varlega þegar öllum sprautum var lokið fékk ég fatla,krem á kinnarnar og hárið greitt, að lokum fékk ég svo gullarmband í verðlaun fyrir að vera dugleg og stillt. mæli algjörlega með læknastofu Sólvalla hehehehe.

Í dag tókst mér loksins loksins að klára verkefnið sem ég átti að skila á meðan ég var á spítalanum það var mikill léttir, lenti reyndar í  basli með að finna verkefnið þegar ég var búin með það, mér tókst einhvernvegin að týna því í tölvunni og átti í mesta basli með að finna það aftur en þar sem ég er pínulítið þver þá hætti ég ekki fyrr en verkefnið var fundið og komið á sinn stað, þ.e til kennarans.
Nú eru bara 3 verkefni eftir svo ekki mikil hætta á að mér leiðist í fríinu. 

komin norður yfir heiðar

og alla leið til Dallas citty, ekki var nú vetrarfærðin að þvælast fyrir okkur því það var autt nær alla leið, smá snjór efst á öxnadalsheiðinni annars autt. Veðrið var fallegt og ekki mikil umferð. Pabbi tók á móti okkur með faðminn opinn á tröppunum sem eru hálfar komnar upp úr snjónum   mamma auðvitað í eldhúsinu að töfra fram góðgæti handa svöngum ferðalöngum. Komið var við á Akureyri og bræðurnir sóttir, þeir komu með til ömmu og afa borðuðu ömmulasanja og gistu. Við mamma sátum heilengi að spjölluðum, ég þurfti sko að fá uppdeit á lífinu í Dallas hehe  verst hvað mamma er hrikalega illa að sér í öllu slúðri, þegar hún ætlar nú aldeilis að segja mér fréttir þá er það eitthvað sem gerðist ári áður en ég flutti hehehehe  æ hún er svo yndisleg.   

ferðaplan

Ákvörðun var tekin í morgun  ég er að fara heim.............. Reyndar með smá krókum en þar sem ég bý austur á hjara veraldar er það ekkert einfalt mál að leggja í svona ferðalög hehehehe en allavega þá er Sigmar búinn að fá öll tilskilinn leyfi og fær frí í föstudagstékkinu og má fara í flugvél svo við ætlum að keyra norður á Akureyri á morgun, þegar hann er búinn í sinni skoðun hann flýgur svo suður aftur á sunnudaginn svo hann getur hitt pabba sinn, strákanna og ömmu og afa og kannski fleiri. Ég fer svo austur þegar blessunin hún Fjarðarheiði verður fær venjulegum farartækjum en þarf ekki að fara á snjóbíl yfir.

Í dag fórum við Sigmar til Grindavíkur hann fór til ömmu og afa en ég til hennar Írisar vinkonu minnar. Við spjölluðum í marga klukkutíma og drukkum kaffi  svo sjá má að maginn er mikið betri, ferðin var alveg yndisleg og gott að hitta hana Írisi mína aftur eftir allt of langan tíma.

Í helgarlok

Helgin búin og allt hefur gengið vel, nema ég er búin að fara ferlega slöpp maginn er á hvolfi  og sviminn að gera mig bilaða það suðar í hausnum á mér eins og þar sé býfluga á flippi. Það er eins gott að ég fari að lagast svo ég geti keyrt heim því ég keyri ekki svona  en þetta hlýtur að fara að koma, ég skána allavega aðeins á hverjum degi þó það gerist hægt. Fór í afmæli til Svandísar í dag og það var frekar skrítið að vera í afmæli og hafa ekki lyst á neinu ekki einu sinni kaffi  en annars var afmælið fínt og gaman að hitta Einar og fjölskyldu  sigmar hefur það fínt er búinn að vera hress síðan hann kom af spítalanum, fær fínar skoðanir og læknarnir eru almennt sáttir við hann.  

páskafréttir

Ætli það sé ekki kominn tími til að koma með smá fréttir.   Hér á höfuðborgarsvæðinu eru allir þokkalega brattir, páskarnir búnir með sínu hefðbundna áti og ofáti bæði á páskaeggjum og mat, málshættir sem komu úr eggjunum pössuðu ótrúlega vel við alla, eins og sá sem kom úr egginu sem var keypt og borðað fyrir páska og átti ekki að komast upp en mamman er ótrúlega laginn við að þefa svona svindl uppi. En allavega þá var málshátturinn "betri er bið en bráðræði" hehehe eigandinn reyndi mikið að snúa útúr merkingunni en fékk ekki miklar undirtektir nema "æ æ greyið komst upp um þig hehehe" Úlli á að huga betur að andlegum málefnum og muna að konan hans endis betur en páskaegg, mín þolinnmóða Hafdís fékk "dropinn holar harðann stein" og ég skil ekki af hverju ég fékk "sá brennir sig á endanum sem öll soð vill smakka"  

Hallgrímur dreif sig suður fyrir páskana og verð ég að seigja að það var alveg yndislegt að fá hann, var farinn að sakna hans svolítið mikið  við fengum að passa köttinn hennar Svanborgar á meðan hún skrapp norður og vorum í íbúðinni hennar á meðan. Fyrstu nóttina hrindi Sigmar og bað mig að fara með sig á spítalann, hann var búinn að æla eins og múkki í 4 tíma og farinn að bæði pissa og æla blóði,  ég brunaði í hafnarfjörð til að sækja drenginn og þakkaði mínu sæla fyrir að engar löggur  voru á minni leið því hvorki var keyrt hægt eða varlega, var reyndar að spá í að keyra yfir strákbjána sem gerðu ekkert annað en þvælast viljandi fyrir mér og þóttust heldur góðir fyrir vikið. Í Hafnarfjörð komst ég klakklaust og inn á lansa líka, þar fékk drengur sama herbergi á bráðamóttökunni og síðast, blóðprufur voru teknar hjartalínurit og blóðþrýstingur mældur og hann skoðaður hátt og lágt, þvag,ælu og saursýni voru tekinn og allt rannsakað. Eftir allar rannsóknirnar kom í ljós að hann var með brisbólgur vegna lyfja sem hann var svo tekinn af og öll lyfin endurskoðuð. Við komumst að því að hann þolir ekki hátíðir, ekki fóru jólin beint eins og áætlað var og nú komu páskar og hann inni á spítala fastandi. Á páskadag fékk ég að fara með hann heim í nokkra klukkutíma öllum til gleði hann var farinn að borða venjulegan mat svo páskalærið rann ljúffenglega niður enda hún Hafdís snilldar kokkur. Hann fékk svo að koma alveg heim á annan í páskum. Hallgrímur flaug svo heim í gær en ég ætla að vera nokkra daga í viðbót og sjá hvernig Sigmari gengur, mér finnst ég ekki geta farið frá honum alveg strax.

.

smá smá

Sigmar fékk mjög góða skoðun á mánud.morgun (gær) kalíumið í fínu lagi og blóðþrýstingurinn lækkaði niður í eitthvað bara rólegt og gott, enda bara það eitt að þurfa að vera inni á spítala getur valdið mikilli þrýstingshækkun., þannig að hann var sæll og glaður þegar hann kom heim. Við Hafdís skruppum aðeins í Garðheima og Ikea ekki vorum við lengi á hvorum stað og við fórum bara á neðri hæðina í Ikea páskarnir greinlega alveg að koma því allsstaðar var gult og grænt, greinar, fjaðrir og blúndur, að ég tali nú ekki um allt súkkulaðið maður minn mmmmmmmmmm.... eftir allt búðar rápið þurfti fröken orkumikil að leggja sig já já það tekur á að fara í tvær búðir, ég bara steinlá uppi í sófa þegar heim var komið. Greinilegt er að orkan er nú ekki alveg kominn. Er að öðru leiti bara hress.

Við Sigmar fórum til Grindavíkur í dag að heimsækja Ömmu hans og afa það var mjög fínt, Steini var náttúrulega í golfi enda virkilega gott veður. Hann kom nú svo þannig að við hittum þau bæði. Í Hafnarfirði er svo að byrja Kínversk veisla, nammi namm Hafdís og May takk fyrir mig.