ekki er öll vitleysan eins

ja hérna hér !!!!!  hreinn þvottur gerir bæinn subbulegan,  getur fólki leiðst mikið meir en að finna upp á svona dauðans vitleisu  það væri kanski spurning að fólk fengi áminningu ef þvoturinn er búinn að hanga og lengi á snúrunum,    það gæti verið atvinnuskapandi að vera með svona þvottasnúrueftirlitsmenn hehehehehehehehehe    

 

Snúrubann afnumið

Í sól og sumaryl

Dásamleg helgi liðinn og hversdagurinn tekinn við með sól og sumarhita  á föstudagskvöldið fórum við nokkrar leikskólakonur út að borða og fengum fatavals leiðbeiningar hjá stílistanum okkar henni Ingu, það er sko alveg nauðsynlegt fyrir hvern vinnustað að hafa allavega einn stílista svona fyrir heildarlúkkið  við borðuðum alveg hrikalega gott kjúklingasalat á Öldunni og þegar við vorum búnar að borða hurfum við ein af annarri upp á efri hæð til Ingu þar sem hún líkamstýpu greindi okkur og gaf okkur ýmis góð ráð hvernig við getum gert okkur sem æðislegastar með réttu fatavali. Á laugardaginn opnaði svo Eygló fataverslunina Prýði og þangað flykktust leikskólakonur að  ná sér í nýjar flíkur og nýta sér góð ráð stílistans  með  fullann poka af dásemdum var haldið heim og í nýju nýju fötin, búið var að bjóða í stútendaveislu svo það var um að gera að sýna sig fíneríinu. Við  enduðum svo kvöldið á júróvisjon-blakloka partýi í íþróttahúsinu( búin að setja inn myndir) þar sem þemað var bleikt svona til að vera í stíl við eurobandið mín kom með bleikt nagglalakk , ekki voru það margar neglur sem sluppu, og ein og ein tánögl fékk fagurbleikan lit. Skemmtum okkur konunglega þó svo að okkar fólk kæmist ekki nema í 14. sæti, blakarar ársins voru kosnir og öllum að óvörum voru Kolla og Óli bæjó hlutskörpust, til lukku með það bæði tvö  

Ég er búin að fá út úr prófunum loksins og fékk 9.0 í hreyfingu og þroska og 8.0 í félagsfræði er svona sæmilega sátt við það en hefði nú kosið að fá 10.0 í þroska og hreyfingu en þar sem ég gat ekki mætt í nema einn tíma vegna aðgerðarinnar var ég lækkuð um 1.0   svo vil ég fá að vita hvað ég fékk fyrir síðasta verkefnið mitt ekki bara heildareinkunn og líka hvað ég fékk fyrir skrifuðu spurningarnar á prófinu ekki bara krossaprófið. Allavega er nokkuð ljóst að ég verð að standa mig betur í haust, er allavega ekki sátt við áttuna, veit alveg að ég get gert betur.

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Nú fer óðum að styttast í að árgangurinn minn hér á Seyðis ætli að hittast, en það hefur skapast um það hefð hér að á sjómannadaginn eru ágangamót. Þau eru eðlilega misfjölmenn því bæði er fólk misduglegt að mæta svo hafa nú ekki allir árgangar hér verið stórir. Mér skilst að í ár gæti orðið mannmargt því það eru óvenjumargir árgangar sem ætla að hittast og er það bara vel. Í mínum árgangi erum við sennilega 7 búsett á staðnum aðrir væntanlega dreifðir um stór Reykjavíkursvæðið. Held að við höfum verið í kring um 20-25 ca man það þó ekki alveg.

Í gær hringdi svo bróðursonur minn hann Andri í mig og bauð mér í útskriftarveisluna sína ég fór strax að plana ferð suður og hlakkaði mikið til en auðvitað var þetta ekki svo auðvelt að bara væri hægt að panta ferð og pakka niður nei ekki þegar hún ég á í hlut takk fyrir, útskriftin og  árgangamótið er nefnilega sama dag, og auðvitað vill ég vera á báðum stöðum en ekki hvað. Eitthvað verð ég að hugsa þetta, hvað ég á að velja.

Í húsamálum er ekkert að frétta við gerðum tilboð í hús en fengum ekki, svo fréttum við af góðu húsi sem væri að fara á sölu en þegar betur var að gáð reyndist það ekki rétt vera svo við erum enn að leita, framboðið hér er ekkert sérlega mikið eða spennandi.

kominn tími á smá blogg

já ég veit ég hef ekki verið dugleg að blogga mikið undanfarið, en það má nú lengi úr bæta. Allavega þá sit ég og bíð eftir einkunnum úr prófinu og verkefnunum er búin að fá úr öðru verkefninu í Þroska og hreyfingu og ekki var að spyrja að því við Lilja fengum sko 9,9  við erum bara bestar saman en svo eigum við eftir að fá úr hinu verkefninu sem við gerðum líka saman þannig að það hlýtur að vera eitthvað mjög gott og svo samfélagsfræðin en ég á nú ekki von á að það verði nein 10 þar. Við tókum prófið heima á netinu og gátum farið yfir það á eftir og séð hvað var vitlaust, ég var nú ekki alveg sátt við hvað ég gerði margar vitleysur (4) því þetta var ekki þungt próf það kom bara í ljós að ég hafði ekki lesið nógu vel í vetur því það sem ég gerði vitlaust var algjört gisk útí loftið og í prófum á maður ekkert að vera að giska, heldur bara muna það sem búið er að lesa og þá er allrabest að vera búin að lesa bækurnar ekki bara stikla yfir, svo ef ég ætla ekki að verða svona fúl aftur yfir einkunnum þá er eins gott að haga sér eins og manneskja og lesa námsbækurnar. 

veðrið hér fyrir austan er búið að vera yndislegt, sól og hiti enda er allur snjór að verða farinn úr bænum, helgin fór líka aðallega í að sitja úti með kaffið í sólinni og fara inn öðru hvoru og kæla sig  það er líka eins gott að njóta þess á meðan hægt er því auðvitað á að kólna um helgina og ekki lítur veðurspáin beint vel út fyrir minn elskulega og ferðafélaga hans um helgina, eitthvað var nú samt minni rigningaspá í gær en það verður að öllum líkindum kalt á Hvannadalshnjúki. Ég skal alveg viðurkenna að ég er frekar spæld að komast ekki með en hnjúkurinn er víst ekkert á förum þannig að ég hlít að komast þetta einhverntímann   

Spennufall

já það er ekki laust við að í augnablikinu sé spennufall i gangi ég var nefnilega að klára félagsfræðiprófið rétt áðan. Var búin að kvíða því helling að tölvugersemin tæki nú upp á því að slökkva á sér í miðju prófi og allt ónýtt sem ég væri búin að gera, hún hefur nefnilega tekið upp á þessum líka "skemmtilega" ósið blessunin, hún fraus einu sinni og slökkti á sér einu sinni í gærkveldi þegar ég var að hamast við að fara yfir og prenta út glósur og annað efni sem ég ætlaði að nota í morgun. Til allrar lukku var tölvan til friðs og blaðabunkinn útprentaði liggur nánast óhreifður á borðinu    Held ég fari og fái mér jarðarber og melónu og síðan í smá göngu í rigningunni. ég fór í sund í morgun kl 6 mmmmmmm það var svo gott en held ég þurfi að fara út og ná úr mér spennunni 

Nýja dótið mitt...

Eftir símahrakningarnar hér um daginn þá sá ég að ekki get ég alveg verið símalaus nei nei það gengur ekki, læt nú ekki þagga svo auðveldlega í mér ( þó svo að ég hafi nú eiginlega sjálf séð um að koma símaræflinum fyrir kattarnef) þannig að ég brunaði í héraðið  -jájá núna var heiðin góða fær- og fjárfesti í einum hrikalega flottum og auðvitað bleikum síma  er búin að vera í allan dag að leika mér og komast að ótrúlegum hæfileikum nýja vinar míns er t.d búin að hlaða inná hann heilum haug af lögum og það heyrist ótrúlega vel í honum. Ég leitaði um allt af nýjum hringitónum en fann ekkert sérlega spennandi, fattaði svo þegar ég var búin að setja öll lögin í símann að ég get notað þau sem hringitóna  hann er bara æði

Góðir og ekki svo góðir dagar..

Suma daga er eins maður sé í uppáhaldi hjá lífinu, stanslaust sólskin  líka í rigningunni en svo koma svona dagar eins og undanfarnir dagar hjá mér. Miðvikudagurinn röð af óheppni ,klaufaskap og mistökum. Nú jæja ekki er hægt að vera endalaust að ergjast yfir því, svo í gær ákvað ég nú að rífa mig upp og þrífa bílinn enda veitti ekki af, hann var vægast sagt orðin skammarlega sítugur. ojoj og sveiattan. mín drífur sig í skítagallann týnir hreinsigræjur í poka og hendist af stað á næsta bílaplan, það er ekki að sökum að spyrja eftir allskonar sprey og nudd og skol og þvott var eðalvagninn orðinn glæsilegur að nýju  svo ég gat með stolti farið einn rúnt um bæinn á hreina fína bílnum mínum. En svo fór nú að líða á daginn og bóndinn hringdi að vestan, ekki vorum við búin að tala saman lengi þegar hann hætti að heyra í mér ég heyrði skýrt og greinilega í honum en mín fagra rödd bara týndist í tóminu svo samtalið var sjálfhætt, þegar ég fór að skoða símann þá var hann nú frekar blautur og ekki var lyktin góð nei síminn minn angaði af tjöruhreinsi  hmmmm  hvernig gat það nú gest, viðgerðarmaðurinn kom náttúrulega upp í minni og fór ég að skoða hann betur og rífa svo í sundur símann sem var á floti, svo ég þurrkaði og þurrkaði og þurrkaði en allt kom fyrir ekki , það virkar allt í símanum nema röddin mín hún er týnd, þannig að ef einhver er í þörf þá er núna tækifærið, það er hægt að hringja í mig og tala og tala án þess að eiga það á hættu að ég grípi frammí eða sé með eitthvert leiðinda gjamm  Kannski er þetta dulin blessun eða einhver skilaboð til mín að fara nú að loka á mér munninum og leifa öðrum að komast að hmmmmmmmm  

Sumarið kom og fór

já já það kom sumar hérna um daginn en það er sko kominn vetur aftur hér á mörkum hins byggilega heims. Akkúrat núna á ég að vera á leiðinni norður til Akureyrar en viti menn Fjarðarheiðin er ÓFÆR ARRRRRRRGGGGGGGGGGG og garg . Hvar eru göngin sem okkar ágæti samgönguráðherra var svo jákvæður gagnvart áður en hann settist í embætti???? Nei hér er ekki þörf á göngum við getum bara verið innilokuð hálft árið fyrst við erum svo vitlaus að kjósa okkur það að búa hér og farþegar sem koma með Nörrönu geta bara farið sjóleiðina suður, munar ekkert um einn dag eða tvo í viðbót á sjó þ.e ef einhver nennir að skuttla þeim

JIBBÝ JA JEYYYY

Þá er síðasta verkefnið í skólanum farið og sennilega þvottavélardælan líka er mikið glöð með að vera loksins búin að senda verkefnið frá mér en ekki eins sátt við þvottavélardrusluna, það er þó bót í máli að samkvæmt úrskurði yfirlæknis þvottavéla í stórfjölskyldunni þá er þetta nú ekkert stórmál og ætti húsbandið alveg að geta skipt um dælu sjálfur ef sérfræðingurinn útskýrir gegn um síma.  nema hókus pókus tæknin verði notuð...

Helgin var ljómandi fín, við í fráfarandi þorrablótsnefnd hittumst á laugardaginn í golfskálanum grilluðum nokkur lambalæri, borðuðum á okkur gat og rúlluðum heim  mikið var sungið og hlegið og sú hugmynd kom upp á þar sem við gerðum tvo sali klára fyrir þorrablót þá yrðum við að halda tvö slútt, eitt fyrir hvorn sal. Framundan er annað slútt en blakarar eru að fara vestur á Ísafjörð á morgun að slútta vetrarstarfinu með öldungamóti í þetta skiptið ætla ég að vera heima Hallgrímur fær að fara eftirlitslaus vestur og vonandi skemmtir hann sér bara vel. Eftir helgina byrja ég svo loksins að vinna aftur, reyndar bara hálfann daginn en það er líklega bara alveg nóg

GLEÐILEGT SUMAR

Hér tók sumarið á móti okkur með þoku og það niður í fjöru ekki sást glitta í Bjólfinn fyrr en um hádegi en þá fór nú líka að birta all verulega og sú gula lét meira að seigja sjá sig. Kirkjukórinn hélt skemmtun í Herðubreið í tilefni sumarkomunnar og dreif ég mig þangað. Það var gaman að sjá hvað það mættu margir og endalaust var verið að bera inn fleiri borð og stóla fyrir mannfjöldann. Skemmtunin var hin ágætasta kórinn söng nokkur lög svo komu nú börnin á leikskólanum og sungu við gítar undirleik Gullu, þau voru yndisleg þessar elskur og stóðu sig mjög vel, nokkrir af yngri nemendum tónlistarskólans spiluðu á hljóðfærin sín, Cesil hélt smá tölu um sumardaginn fyrsta og skólahljómsveitin spilaði og Alla stjórnaði fjöldasöng svo sáu stelpurnar á hótelinu um að enginn færi svangur heim því auðvitað var hægt að fá kaffi og kökur. Góð byrjun á góðu sumri