Gleðilega þjóðhátíð

Gleðilegann þjóðhátíðardag  

ætli það sé ekki kominn tími til að koma með smá fréttir, orðinn mánuður síðan ég bloggaði síðast. Mánuðurinn hefur svolítið farið í að njóta þess að skólinn er búinn. Við Ársæll fórum norður um sjómannadags helgina, vorum í góðu yfirlæti hjá Sigmari Erni í Hrísey hittum loksins hana Bylgju og Emblu dóttur hennar það er svolítið skrítið að vera orðin svona ská amma en bara gaman mér líst bara vel á þessa litlu fjölskyldu óska þeim alls velfarnaðar í framtíðinni. Við litum líka til Þorvaldar og Helgu og svo komu þau til okkar á laugardeginum og við grilluðum öll saman svo þessi helgi var ljómandi góð. Um síðustu helgi var uppskeruhátíð blakliðsins og fórum við út í Skálanesfjöru grilluðum sungum og spiluðum strandblak það var mjög skemmtilegt, auðvitað var fundið nafn á viðburðinnog var þetta opna g-strengsmótið í strandblaki, eðli málsins samkvæmt var spilað á g-strengnum  og sýndu menn og konur ný og skemmtilg tilþrif í fjöruborðinu var stungið uppá því að gera þetta árlega við mikinn fögnuð allra viðstaddra. í bítið morguninn eftir (laugardag) fóru bæjarbúar í vinnugallann vopnaðir vinnuhönskum og ruslapokum og hreinsuðum við bæinn okkar týndum upp sígarettustubba og glerbrot. Undarlgt hvað þetta virðist mikið lenda á víðavangi var að velta því fyrir mér hvort stubbarnir væru svona eðlisléttir að þeir fykju alltaf uppúr rulatunnunum eða hvað ????? og flöskurnar svona þungar þá ?? en allavaga þá var bærinn hreinsaður og er nú alveg glerfínn  Í gær 16.júní opnaði svo tækniminjasafnið (vjelasmiðja Jóhanns Hanssonar) með pompi og prakt í stórkostlegu veðri 20 gr hiti  sól og blíða þar gat Ársæll Helgi sýnt okkur Hallgrími hvað hann er búinn að vera að vinna undanfarna mánuði ég verð að viðurkenna að mér fannst ég stundum vera kominn í bílskúrinn hjá afa á Klettaborg.   En þá eru það bækurnar sem ég hef verið að lesa undanfarið.  "Hvítt á Svörtu" e Ruben Gallego mjög sérstök saga sem gerist í Rússlandi og segir frá lífi fatlaðs drengs og hvernig það er að vera fatlaður á stofnun í Rússlandi í upphafi bókarinnar sesist höfundur ekki hafa áhuga á að skrifa um það slæma þaðsé nóg af svartsýni í heiminum. Kaflarnir eru stuttir  enda er bókin eiginlega byggð upp eins og mynningabrot sem púslast saman í eina bók mjög athyglisverð. svo er það "Viltu vinna milljarð" e-Vikas Swarup stórgóð bók en báðar þessar bækur fá mann til að hugsa um hvað mannskeppnan getur verið miskunarlaus í grimmd sinni og hvað hæfni okkar til að lifa af er sterk.

Flugdrekahlauparinn

Ég var að klára að lesa bók sem að heillaði mig gjörsamlega hún heitir Flugdrekahlauparinn og er eftir Khaled Hosseini. Sögusviðið er Afganistan meðan landið var hersetið af Sovétríkjunum. söguhetjan er 12 ára drengur sem býr með föður sínum í Kabúl ásamt þjóni og syni hans strákarnir tveir eru bestu vinir og fáum við að fylgjast með lífi þeirra,sorgum og gleði. Bókin er afburða vel skrifuð og ekkert mál að lifa sig inn í söguna  þó svo að hún gerist í landi sem er bæði langt í burtu og menning og siðir með allt öðrum hætti en við þekkjum hér uppi á íslandi. Ég held að það sé öllum hollt að lesa bækur sem gerast í öðrum menningarheimi en okkar eigin. Eftir lesturinn fór ég að velta því fyrir mér hvort einmitt það að lesa bækur eftir höfunda landa sem maður þekkir ekki mikið sé ekki ágætis aðferð til að koma í veg fyrir fordóma og sinnuleysi gagnvart þeim óhugnaði sem viðgengst í fjarlægum löndum, það er nefnilega svo auðvelt að loka bæði augum og eyrum þegar skelfingar gerast langt í burtu í landi sem maður þekkir ekki og fólkið talar undarlegt tungumál sem maður skilur ekki. Einhvernvegin verður samkenndin meiri þegar skelfingar gerast í landi þar sem maður allavega skilur svona nokkurnvegin hvað fólk er að segja. Þetta er náttúrulega gjörsamlega fáránlegt, auðvitað ætti maður að geta fundið til með öllu fólki ekki bara næsta nágranna. Held ég reyni hér eftir að finna höfunda frá löndum sem ég þekki lítið.    

FARVELL JÚRÓVISJÓN.

jæja þá er júróvisjon lokið. Eiríkur stóð sig stórvel eins og gömlum rokkara sæmir en þrátt fyrir rauða hárið frábæran söng og íslenska "frumorkukraftinn" þá náði það ekki að heilla balkanlöndin og Eiríkur okkar á leiðinni heim. En það er líka allt í lagi við erum best hvernig sem á það er litið  það eru bara þessi skrítnu lönd þarna úti í heimi sem kunna ekki gott að meta -eða þekkja þau kannski hann Eika okkar eitthvað, nei ég bara held ekki, annars hefði nú ekki farið svona fyrir okkur held við ættum bara að vera með sér norðurlanda keppni við myndum sko rúlla henni upp

Prófalok og öldungur í blaki

jæja þá er íslenskuprófið skelfilega búið og ég enn á lífi.. nokk gott hjá mér... það var veisla í kvöld til að fagna þessum merku tímamótum, vonandi verður líka tilefni til veisluhalda þegar einkunnir koma.  Ég og minn ástkæri fórum á blakmót um síðustu helgi, það var hrikalega gaman eins og alltaf. Á þessu móti koma saman einhver hundruð manns að spila blak og skemmta sér og allir skemmta sér líka þeir sem tapa, það er kanski skammast aðeins á vellinum en menn eru búnir að gleyma því um leið og búið er að snúa sér við og það er alveg frábært að fylgjast með þessu. Mæli með þessari skemmtun.  Mitt fólk stóð sig bara vel eitt lið fór upp um deild annað stóð í stað og það þriðja, þannig að meðaltalið var bara nokkuð gott. Þegar við komum svo heim á þriðjudag var rúmlega 20 stiga hiti og við næstum dóum úr hita, það er aðeins kaldara í dag og rigndi meira að seigja áðan, en svona eru austfirðir í dag.  

Guðleg refsing.

var að hlusta á útvarpið í morgun með hálft eyra opið, (rás2) þar var verið að ræða við einhverja konu um þróunnarstarf einhverstaðar í afríku?? þar sem verið er að aðstoða heyrnalaus börn,finna þau,koma þeim í skóla kenna þeim osfr. mjög gott framtak,:)  í viðtalinu kom fram að foreldrar heyrnarlausu barnanna líta á það sem refsingu Guðs að hafa eignast þessi börn ,og ég hugsaði með mér, ææ aumingja þau að hugsa svona synd að þau skuli ekki vita betur, fannst þetta eitthvað svo forneskjulegur hugsunarháttur. En svo rann það upp fyrir mér að þrátt fyrir árið 2007 þá hugsum við svona ennþá, við kanski geymum ekki börnin okkar í útihúsum, stíum eða bindum þau við staura (sem betur fer) til að fela þessa  Guðlegu refsingu, þá spyrjum við nú samt þegar við lenum í áföllum og ég tala nú ekki um ef þau verða mörg "hvað hef ég gert til að verðskulda þetta" verð að viðurkenna að mér varð pínu um þegar ég fattaði þetta því ég hef svo sannarlega spurt að þessu. Finnst sko verið að refsa mér þegar einhverjir erfiðleikar hellast yfir en finnst þetta fáránleg pæling ef einhver annar hugsar svona. Svona getur maður nú verið skemmtilega skrítinn.  

PÁSKAFRÍ :)

Loksins loksins er komið páskafrí :) og í tilefni frísins kom ég við í Draumhúsi og keypti mér yndislegt indverkst pils, er eins og prinsessa í nýja pilsinu  er það reyndar alla daga svo sem. Ég kem til með að sakna Draumhússins, en stöllurnar þar eru víst að hætta . Nú fer að stytttast í suðurferð, er alveg að verða búinn að pakka niður og kattarkassinn orðinn hreinn.Talandi um kött er alltaf að komast að því hvað ég á dularfullann kött,það var ekki svefnfriður í nótt því hún var að máta allar töskur í húsinu, og nóg er af þeim ) tróð sér ofan í þær, dró eina á eftir ser um allt hús og brasaði með töskurnar fram á morgun, en þá þurfti dýrið að fara að sofa.Ef ég eignast nýja tösku sefur hún ekki fyrr en hún er búinn að máta hana, er þetta eðlilegt fyrir kött ég bara spyr?????

verkefni farið

Mikið er mér létt  einu verkefninu færra hjá mér, skilaði leikjaverkefninu í dag. Nú er bara að velja bók fyrir kjörbókarritgeðina og þá fer skólanum að ljúka í bili. Við Ársæll höfðum það náðugt í dag bara 2 heima, ég að vinna í verkefninu og hann aðallega að snúast í kring um mömmu sína. Suðurferðin er öll að komast á hreint. Sigmar og Þorvaldur fara með Hönnu og Hilmari á miðvikudag svo ekki þarf Þorvaldur að byrja nýja vinnu á fríi. Já hann er fluttur til Akureyrar til hennar Helgu sinnar þar til hann fær íbúð, og er að byrja að vinna á morgun. hlakka mikið til að hitta strákana mína, hef ekki hitt þá síðan í desember, en Þorvaldur kom austur til okkar um jólin. Það er svolítið skrítið að hafa þá ekki nálægt sér, en svona er víst foreldrahlutverkið, á endanum flytja börnin að heiman og eignast sín eigin börn.

Já það tókst

Húrra húrra  þetta gekk ótrúlega vel gat meira að segja sent færsluna tvisvar, en það er nú kanski svolítið mikið ,skal viðurkenna það.

Hér í firðinum þrönga er búinn að vera ótrúlegur hiti í dag (17 gráður ) og smá vindur með svo þetta er búinn að vera ekta þvotta dagur, enda allt þvegið sem hægt var að þvo,milli þess sem forsíðan á verkefninu mínu var búin til, Ársæll og kötturinn máttu þakka fyrir að lenda ekki í vélinni og svo á snúrunni í þvottakasti húsfrúarinnar. Vorið er kanski bara komið, sá að laukarnir eru að hamast við að koma upp, svo það væri nú freistandi að hreinsa beðin og ekki veitti nú læknum af smá hreingerningu. Skoðaði hann í dag og hann er fullur af allskonar drasli sem hefur fokið þangað í vetur. En ætli það eigi ekki aftir að kólna eitthvað og jafnvel snjóa, páskarnir eru nú ekki komnir ennþá.   Kanski að ég fari á morgun og nái mér í greinar fyrir páskana, ætti að geta fundið eina eða tvær í frumskóginum mínum

Anna Bugga

Tekst það núna ??

það verður spennandi að sjá hvert mér tekst að senda þessa færslu  Einhvernveginn ætlar þetta bloggævintýri mitt ekki alveg að byrja með glans, færslurnar mínar ýmist hverfa eða lenda á einhverjum dularfullum stöðum. Er svona að spá í hvort ég hefði kanski átt að lesa leiðbeiningarnar fyrst, áður en ég hennti þeim og óð svo bara af stað. Held samt að eins og venjulega þá reddast þetta . Jæja prufa að senda þetta eitthvert í burtu og sjáum hvar það lendir...

Anna Bugga

Tekst það núna ??

það verður spennandi að sjá hvert mér tekst að senda þessa færslu  Einhvernveginn ætlar þetta bloggævintýri mitt ekki alveg að byrja með glans, færslurnar mínar ýmist hverfa eða lenda á einhverjum dularfullum stöðum. Er svona að spá í hvort ég hefði kanski átt að lesa leiðbeiningarnar fyrst, áður en ég hennti þeim og óð svo bara af stað. Held samt að eins og venjulega þá reddast þetta . Jæja prufa að senda þetta eitthvert í burtu og sjáum hvar það lendir...

Anna Bugga