laugardagur til lukku og sunnudagur til sælu ????????????????

Ekki er hægt að ætlast til að allt í einu fari hlutirnir að ganga bara smurt fyrir sig,nei nei svoleiðis gerist ekki. Í gær fór Sigmar á bráðamóttökuna í blóðprufu hann byrjaði aftur á Daren sem er blóþrýstingslyf og læknarnir vildu vita hvernig það kæmi út með öllum kokteilnum sem hann er á. Eftir klukkutíma bið á bráðamóttökunni kom loks einhver og dró úr honum blóð og við gátum farið heim. ekki höfðum við verið lengi heima þegar hringt var í mig til að kalla Sigmar inn í aðra blóðprufu og hann yrði að koma með sjúkrabíl ég máti ekki keyra hann. Ekki var þetta nú til að kæta minn mann  en á spítalann fór hann í sjúkrabílnum og ég á fínu drossíunni  á eftir, þegar á Lansann var komið fengum við að vita að Kalíum magnið í blóðinu væri allt of hátt og það þyrfti að ná því niður, allt í lagi, hann fékk einhvern ógeðsdrykk og var tekinn af Dareninu þar sem það eykur Kalíum magnið í blóðinu, það voru teknar blóðprufur og það þurfti að bíða og það þurfti að bíða aðeins meir Kalíumið lækkaði en ekki nóg svo hækkaði auðvitað blóðþrýstingurinn hjá honum og enn þurfti að bíða og aðrar blóðprufur voru teknar. Ekki get ég sagt að mínum manni hafi liðið vel þarna inni, svona rétt við það að verða sjúklega sýklahræddur, þar sem það er honum lífsnauðsynlegt að fara varlega og forðast veikt fólk vildi hann ekki vera þarna innan um alla sjúklingana, ekki eru heldur veggirnir þeir allra hreinustu sem ég hef séð , málningin farinn að flagna og slettur upp á vegg sem honum þótti vera eins og einhver hefði ekki komist á klósett og látið bara vaða á vegginn. Sennilega hefur þetta verið öllu saklausara, gosdrykkur,kaffi eða eitthvað álíka. Þannig að þegar það var svo tilkynnt að hann ætti að vera yfir nóttina svo hægt væri að fylgjast betur með honum og að auki var kalíumið ekki komið niður fyrir 5 (sem er hámark) mátti ekki miklu muna að minn maður sleppti sér gjörsamlega og þurfti hann á öllu sínu að halda og meiru til, til að halda örlítilli ró, þegar grimmi læknirinn flýtti blóðprufum og lofaði að gá hvort hún gæti ekki fengið herbergi fyrir hann róaðist hann nú aðeins og samþykkti að vera yfir nótt enda fengi hann að fara heim snemma daginn eftir (sunnudag) Upp rann nú sunnudagur ég fékk mér morgunmat í rólegheitunum heima fór í sturtu og kom mér svo inneftir að sækja piltinn, eitthvað þurfti nú að bíða kalíumið var enn hátt og blóðþrýstingurinn hafði ekkert lækkað ákveðið var að hann fengi þvagræsilyf og eitthvað annað til að hjálpa líkamanum við að losa sig við kalíumið fyrst fékk hann töflu og fljótlega þurfti hann að pissa ,það var ekki alveg hreint örlítið blóð hafði komið líka þannig að ákveðið var að aka prufu næst sem var og gert, alltaf varð þvagið rauðara og rauðara þannig að Sigmar hringdi í Margréti nýrnalækni dauðhræddum um að eitthvað mjög alvarlegt væri að gerast, sem betur fer gat hún róað hann og sagt honum að eftir svona aðgerð (nýraígræðslu) væri þetta bar algengt og ekkert hættulegt enda minnkaði blóðmagnið smám saman. Um 16.30 fékk ég eftir talsverða samninga og hátíðleg loforð um að skila brosandi manni fékk hann að fara heim í sturtu og skipta um föt, enda hafði hann svitnað skelfilega og geðheilsan í mikilli hættu, hann sá fyrir sér sinn vanalega feril, koma inn á bráðadeild og enda í nokkra mánuði uppá 13e. við drifum okkur í Hafnarfjörðinn til Hafdísar þegar læknirinn góði gaf grænt ljós, Sigmar fór í langa sturtu og við borðuðum helling af nýbökuðum pönnukökum, mikið hryllilega var þetta nú gott og tveimur tímum síðar héldum við aftur á Landspítalann´, blóðprufur voru teknar og við tók bið eftir niðurstöðum um kl 21.15 kom læknirinn inn (ég held að hún hafi ekkert farið heim frá því á laugardaginn) og sagði okkur að koma okkur heim  á þessari stundu fór hún úr því að vera vondi læknirinn í að vera sú besta á staðnum  heima beið okkar uppáhaldið mitt "kjúklingur með 7 tegundum grænmetis og rúsínulauksósu" nammi namm  þetta var himnesk heimkoma.  Í fyrramálið verður svo venjubundinn skoðun og þá kemur í ljós hvað á að gera varðandi blóðþrýstinginn en í nótt sefur Sigmar sæll heima hjá Hafdísi frænku þeirri bestu í heimi

Dagur 6

Dagur 6 runnin upp Sigmar fór í skoðun í morgun og gekk bara vel nema blóðþrýstingurinn er of hár svo hann fékk eitt töfluglasið í viðbót. Ég hafði mig loksins í að lesa í félagsfræðinni og byrja á glósunum, það er eins gott að ég fari að herða mig í lestrinum og hætta að hangsa svona því ég er komin langt á eftir ég kíkti líka á námsvefinn og sá að það er búið að setja inn hellings lesefni fyrir þroska og hreifingu kennarinn þar ætlar manni ekki að leiðast þó áfanginn sé bara 2ja eininga sýnist mér að hún ætli að hafa nóg fyrir okkur að gera.  jæja ætli það dugi nokkuð að vera með væl ég skráði mig sjálf í þetta nám og verð bara að taka því sem ég fæ og hana nú.

mánaðarskammtur af lyjunum hans Sigmars

 skurðurinn á 6.degi

Við erum komin heim

Dagur 2 utan spítala að hefjast já við Sigmar komum heim í gær og þóttumst alveg eldhress  en þegar við vorum búin að keyra dótið okkar í hjólastól útí bíl með viðkomu í apótekinu vorum við bara dauðþreytt það var kannski ágætt að við þurftum að bíða í klukkutíma eftir lyfjunum hans Sigmars, sem var álíka stafli og Esjan á hæð þegar búið var að stafla þeim upp, enda þurfti 2 stóra plastpoka undir herlegheitin og á haugurinn bara að duga í mánuð  Þegar heim var komið var gott að geta lagst uppí sófa smástund og jafna sig eftir ferðalagið.

Á mánudaginn lauk einveru minni á stofunni því þá kom pínulítil gömul kona til að leggjast inn, ég verð að viðurkenna að mér leist nú ekki meir en svo á, hugsaði með mér,, það gat nú verið fæ ég ekki eldgamla konu sem fer að sofa klukkan 7 svo þá er eins gott að slökkva ljósið og hafa hljótt eftir það svo er örugglega eitthvert næturvesen á henni" gamla konan reyndist hin indælasta og mynnti mig reyndar ansi mikið á ömmu á Klettó og jú jú hún fór snemma að sofa en er ekki viss um að hún hafi sofnað á undan mér því ég rotaðist um 9 leitið og það var ekki fyrr en eftir miðnætti að ég heyrði í henni aftur þá náði hún ekki í bjölluna svo ég var nú almennileg og hringdi fyrir hana þá kom þessi líka ljúfa hjúkka inn sem talaði svo fallega við gömlu konuna og var svo góð við hana að mér fannst ég vera með Hönnu systir hjá mér að hjálpa ömmu. Reglulega þurfti svo sú gamla að fá aðstoð um nóttina og alltaf vaknaði mín til að hringja fyrir hana bjöllunni og alltaf kom sama hjúkkan til að hjálpa henni fyrir utan eitt skipti að önnur kom og var ég að spá í að biðja hana að fara og sækja "Hönnu systir" því hún kynni miklu betur á" ömmu " mér fannst þessi of harkaleg við brothættu gömlu konuna, en ákvað að það væru nú takmörk fyrir því hvað hægt er að skipta sér af því sem manni kemur ekki við, enda var hún í fínu lagi bar sig bara ekki eins að og sú sem mynnti mig á Hönnu. Einhvern tímann vaknaði ég á undan gömlu og beið eftir að hún bærði á sér svo ég gæti nú sinnt hlutverki mínu sem bjölluþjónn en gamla svaf eins og engill og ég var farinn að hafa áhyggjur hvort eitthvað væri nú að, á endanum vaknaði nú gamla konan og ég gat hringt bjöllunni fyrir hana, hjúkkurnar voru farnar að hafa áhyggjur af því að ég svæfi ekkert en það var allt í lagi því þetta var lang besta nóttin á spítalanum þó ekki væri mikið sofið því gamla konan og góða hjúkkan höfðu svo róandi áhrif að mér leið eins og amma á Klettó og Hanna systir væru hjá mér alla nóttina og ég veit ekki hvort hægt ar að hafa það betra. É vona að gömlu konunni hafi gengi vel í aðgerðinni sinni og að góða hjúkkan starfi sem lengst. Verð þó að taka fram að allir sem unnu á deildinni (13d) voru yndislegir bæði við mig og Sigmar og kann ég þeim bestu þakkir fyrir.

spítalafréttir

Jæja þá er búið að skera okkur mæðgin og allt gekk eins og í lygasögu nýrað sem Sigmar fékk byrjaði strax að virka held meira að seigja að það hafi farið að virka áður en það var sett í hehehe enda úrvals eintak. Ég er að verða sæmilega brött er farin að rölta ein um ganginn, bara með viðhaldið en enga göngugrind svo verður gaman á morgun þegar ég losna við mænudeyfinguna og þvaglegginn jibby húrra þá fer ég sennilega að hlaupa um gangana með gömlu körlunum   gærdagurinn var svolítið strembinn Sigmar var eins og raketta um alla ganga og margir komu í heimsókn ( sem var bara gaman ) svo það var gott að sofna sæmilega snemma ,svaf þokkalega vel en var vöknuð um 6 í morgun komst svo í dásamlega sturtu fyrir hádegi með fullri þjónustu , sat bara í stól og var þvegin og þurrkuð það var bara gott mig svimar svolítið ennþá ef ég stend kjur lengi en ógleðin er nánast horfin svo ég er bara hress. Sigmar losnaði við morfínið áðan og er hinn kátasti með það hann var að verða svolítið ruglaður á morfínsterablöndunni og hefur lítið sem ekkert getað sofið hann er núna að reyna að leggja sig enda bara dúrað örlítið frá því á föstudag. Veðrið er yndislegt svona út um gluggann allavega og bleiku blómin frá mömmu og Hafdísi skemma ekki fyrir. Eigið öll góðan dag knús og kossar frá 13d stofum 4 og 8 

fréttir úr borginni

Enn einni heimsókninni á blótökudeildina lokið þurfti enn eina ferðina upp á spítala í blóðprufu ef þeir halda þessu áfram verð ég orðin blóðlaus áður en ég kemst í aðgerðina, en mikið hrikalega held ég að blóðbankinn sé kátur að eiga allt mitt dásamlega blóð, síðan ég kom suður hef ég farið á hverjum degi á lansann ýmist í viðtöl eða blóðprufur nema hvorutveggja sé ,fékk í gær að hitta aðalskurðlækninn  Jóhann Jónsson sem kemur alla leið frá canada til að skera okkur, í samtalinu kom í ljós að hann er ættaður frá Seyðisfirði  langafi hans var kaupmaður á Seyðis og hét Stefán T.H jónson og var með verslun þar sem sýsluskriftofan er nú til húsa, þar sem hann er ættaður frá þessum fallega firði hlýtur aðgerðin að takast með eindæmum vel. Ég spurði hann útí pælingarnar mínar hvort Sigmar fengi part af sálinni minni með nýranu og fannst honum þær pælingar virkilega skemmtilegar hann sagðist reyndar ekki hafa orðið var við persónubreytingar en alltaf segja karlmönnum sem fá nýra úr konu að hér eftir komi þeir til með að pissa sitjandi og fá ólæknandi verslunarþörf hehehehe En allavega þá var mjög gott að tala við hann og spurði hvort hann fengi ekki kaffi ef hann kæmi og liti á ættaróðalið á Seyðis. 

Á þriðjudaginn fórum við systur og tæmdum kringluna  keypti mér alveg guðdómlega fallega hvíta kápu í Karen Millen  og ferlaga góð hversdags stígvél í Bianco, þegar við Hafdís komum heim spurði Úlli hvort það væri ekki best að hann geymdi kortið mitt hehehehehe sénsinn er sko rétt að byrja ( kannski eins gott að ég verð lögð inn í kvöld ) á sko Smáralindina og Laugaveginn eftir.

komin í borgina

Þá er nú komið að því að frúin kom sér suður. Við Sigmar fórum á Lansann í morgun í innskrift, það er nú meira fjörið og ekki fyrir tímabundna eða óþolinmóða  hehe og Sigmar minn með mér   það var æði oft stunið og blásið " er þessi læknir ekki að fara að koma eigum við að bíða mikið lengur eða........ og hvert eigum við svo að fara og hvað svo......" þetta var farið að taka illilega á taugarnar í unga manninum en allavega þá hittum við svæfingalækni, aðstoðarlækni, sjúkraþjálfa, og hjúkrunarkonu. Svo voru teknar lungnamyndir,blóðsýni, þrýstingurinn mældur fengum að blása í einhverja græju sem ég man ekki hvað heitir, hjartalínurit var tekið og við þreifuð, þukluð og skoðuð hátt og lágt svo þurfum við að koma aftur á miðvikudag til að tala við skurðlæknana og leggjast svo inn á fimmtudag. Já svo skoðuðum við deildina sem við eigum að liggja á Sigmar fékk skipun um að það væru bara foreldrar og systkini sem mættu heimsækja hann vegna sýkingarhættu en hann verður á einmenningi og allir við sem megum fara til hans verðum að fara í slopp og spritta okkur. Þetta er gert vegna þess að hann verður á ónæmisbælandi lyfjum svo hann verður frekar viðkvæmur fyrir öllum sýkingum.fyrst eftir að hann kemur af spítalanum má hann ekki vera í margmenni má t.d ekki fara í bíó eða kringluna o.þ.h svo má hann ekki eiga snáka, skjaldbökur eða eðlur og allir kettir í stórfjölskyldunni verða að fara reglulega í ormahreinsun.  jæja er að spá í að skella mér í kringluna áður en ég fer aftur upp á lansa að sækja þolinmóða drenginn. kossar og kveðjur úr höfuðborginni

Vetrarfréttir

Ekki er veturinn alveg búinn, í nótt og í morgun hefur kyngt niður snjó það blés svolítið í morgun en veðrið var yndislega fallegt eftir hádegi enda var mikið að gera hjá okkur á Sólvöllum við að búa til allar tegundir af kökum sem börnum getur dottið í hug sem voru síðan skreyttar með klaka og snjó áður en farið var inn í nónhressingu slógum við upp veislu úti í fallega veðrinu og "borðuðum" snjókökur af öllum stærum og gerðum og  "drukkum" heitt kakó með   það var sko mikið fjör hjá okkur. Í gærkveldi kepptum við leikskólakonur svo í fyrirtækjakeppni grunnskólans við drógumst á móti Gullveri og þeir rétt mörðu sigur hehehe við reyndar höldum áfram sem stigahæsta tapliðið svo þetta er ekki alveg búið hjá okkur ja reyndar verð ég farin suður svo það þarf að finna einhverja sem kemur í staðin fyrir mig en ég hef fulla trú á að stelpurnar rúlli þessu upp   

þegar ég kom heim eftir vinnu í dag beið mín póstur "jíbbý" árgangur 1964 á Seyðisfirði ætlar að hittast í sumar í tilefni þess að 30 ár eru liðin frá fermingu okkar reyndar fermdist ég ekki á Seyðisfirði heldur í Grindavík og flutti reyndar héðan þegar ég var 12 ára en samt er mér boðið að vera með og er ég hrikalega ánægð með það og hlakkar ekkert smá til. Það er búið að stofna bloggsíðu fyrir fermingarmótið og var ég að fara yfir nöfnin á gömlu bekkjarfélögum þar ég verð að viðurkenna að ekki mundi ég eftir öllum sem voru á listanum en það voru nú aðallega strákarnir sem ég var búin að gleyma. Það verður því nóg að gera við að rifja upp hver var hvað og gaman að hitta krakkana aftur eftir 32 ár   sum hef ég nú hitt, ein er orðin mágkona mín og þau sem búa hér á Seyðisfirði hef ég allavega öll séð. Það er kannski spurning hvort ekki ætti að hafa samband við þennan sama árgang í Grindavík og athuga hvort ekki sé komin tími til að hittast en það er nú styttra síðan ég hitti þau. Kosturinn við að hafa verið í mörgum skólum er að ég get farið á mörg árgangamót sama árið um allt land

aðgerðarpælingar

Þá er enn ein helgin liðin og síðasta vinnuvika fyrir aðgerð að hefjast. Ég er mikið búin að spá í aðgerðina undanfarna daga er held ég að fatta að þetta er að verða raunveruleiki en ekki bara tal og von um að verði einhvern tímann. Það er alveg ótrúlegt að hægt sé að vera einskonar partasala fyrir aðra manneskju að hægt sé að nota mann í varhluti ( ætla núsamt ekki að selja neitt svo það sé á hreinu )  mér finnst bara stórmerkilegt að geta gefið úr mér líffæri til að bjarga öðrum og ekki bara einhverjum heldur syni mínum, ég var líka að spá í það að það væri verst að þegar ég er búin að gefa Sigmari nýrað mitt þá á ég ekki annað til að gefa hinum ef þeir þurfa á að halda ég hefði eiginlega þurft að hafa 4 s.t.k svo allir geti fengið eitt ( vona nú samt að þeir þurfi aldrei á því að halda) en held samt að ég væri tilbúinn að gefa þeim hvaða líffæri sem er úr mér ef það kæmi þeim að einhverjum notum, í augnablikinu finnst mér að allar mæður ættu að hafa aukasett af öllu til að gefa börnunum sínum  Svo hef ég verið að spá í hvernig það verður að vita af mínu nýra inni í annarri manneskju jafnvel þó það sé Sigmar Örn, hættir það þá ekki líka að vera mitt þegar hann er búinn að fá það ég ætla allavega ekkert að lána honum það heldur gefa það. hef verið með allskonar furðulegar vangaveltur um þetta t.d flyst eitthvað meira af mér með nýranu mér finnst nú frekar lógíst að það geri það ekki en hvað veit maður, er allavega eitthvað mikið að hugsa núna. Svo hef ég verið að leita á netinu um líffæraflutninga en ekki fundið mikið á íslensku svo sennilega verð ég að lesa mig til á ensku, er bara hrædd um að skilja ekki formlegt læknamál almennilega það getur nú verið alveg nógu snúið á ástkæra ylhýra  en þetta hlýtur allt að koma í ljós.

góð áthelgi..

mikið er þetta búin að vera yndisleg helgi ég fór í héraðið í gærmorgun og náði í Sigmar Örn hann Sigfríð og Svandís vinkona Sigfríðar orðuðu svo hrikalega gott læri og enn betri heita súkkulaðiköku um kvöldið það var eiginlega alveg frábært að sjá hvað hann gat borðað mikið. Ég bætti sko extra miklum rjóma í sósuna og aðeins meiri smjöri í kökuna það áti nefnilega að fita piltinn svona rétt sem snöggvast heheheh  eitthvað fannst mömmu að drengurinn væri rýr. Átið hélt svo áfram í dag, ég fékk hann með mér í göngutúr um bæinn til að auka enn á listina hjá honum og steikti handa honum lummur þegar heim var komið og hitaði brauðrétt og restina af súkkulaðikökunni og osta og kex og hitaði kakó ammi namm. Hallgrímur hefur heldur betur fengið að njóta þess að mín er í dekur stuði því ekki er drengurinn látinn borða þetta einn, eftir kvöldmatinn (já já það var líka kvöldmatur) þá rúlluðum við frá borðinu og vorum ekki alveg viss hvernig við áttum að standa upp aftur, hefðum eiginlega þurft að fá krana til að hífa okkur á fætur hehehe  svo er það bara fiskur og grænmeti eftir þetta sukk.

"litla barnið" er að koma til mömmu ..................................

nú er bara rúmur sólahringur í að "litli prinsinn"  hann Sigmar örn komi austur  það verður vonandi bara gleði Sigfríð og vinkona hennar ætla að koma í mat á laugardagskvöldið svo það gæti bara orðið líf í kotinu  Hallgrímur dreif í því að kaupa nýtt gestarúm en Sigfríð þurfti að fá gamla rúmið,þegar ég kom heim úr vinnunni í dag var gripurinn kominn heim svo ég fór í það að snúa öllu við í herberginu og koma nýja rúminu fyrir búa um það og gera fínt áður en drengurinn kemur. Þar sem farið var að hreifa við dótinu varð ég náttúrulega að henda einhverju, endurraða aðeins í þvottahúsbúrgeymslunni og senda kassa í rauða krossinn sem átti að fara þangað í haust... Það mætti halda að við byggjum í stóru húsi með nóg geymslupláss en svo er nú aldeilis ekki þegar við Hallgrímur komum heim verður kötturinn að fara út  samt tekst manni einhvernvegin að safna einhverjum bjéfuðum óþarfa sem verður örugglega aldrei aftur notaður en tímir ekki að henda eða losa sig við. Ótrúlegt hvað maður getur verið klikkaður hehehehe well nóg í bili góða nótt