Tenerife hér kem ég..................

Jæja þá er búið að redda utanförinni minni, einhver góðhjartaður hætti við að koma heim 14. nóv hefur sennilega frétt af vandræðum mínum og ákveðið að vera lengur. Svo við getum haldið okkur við upphaflega áætlun. Nú er bara að draga fram ferðatöskuna og finna sólarvörnina  Nýja vegabréfið er komið í hús og bleiku bandaskórnir mátaðir reglulega . Þetta verður kærkomið frí svo þegar ég kem heim ætla ég að eyða nokkrum dögum í borginni með Sigmari, hann á reyndar afmæli daginn áður en við förum út svo við ætlum að gera eitthvað skemmtilegt saman.

Sigmar er kominn í einangrun fékk sýkingu í þarmana og má ekki vera úti á meðal fólks. Það má þó fara til hans en þá verður að fara í slopp og hanska. Hjúkkurnar eru samt vongóðar um að geta útskrifað hann af einangruninni fyrir helgi , planið var nú að útskrifa hann af spítalanum fyrir helgi en það gæti nú allt breyst. það er bara óskandi að hann missi ekki af afmælinu hjá ömmu sinni (80) um helgina .Pabbi hans, Gunna og bræður ætla að fara suður svo hann ætti að fá að sjá ný andlit, amma hans á Dalvík var fyrir sunnan og heimsótti hann auðvitað honum til gleðinnar ( litli ömmudrengurinn ).

Athugasemdir

[Hafdís Jóhannsdóttir, 28.10.2007 kl. 13:27]

Góða ferð erlendis,  sendi bestu bata og baráttu kveðjur til Sigmars.  Annars bara að kvitta fyrir mig.

[Anna Guðbjörg Sigmarsdóttir, 28.10.2007 kl. 15:42]

Takk fyrir það